متى يمكن أن تقول عن نفسك أنك بيزنس أونر؟ ادخل لتعرف

خلينا نقول ان مجرد بدءك لشركة بتقدم خدمة معينة او منتج معين مينفعش تقول عليها بيزنس او عندي بيزنس او انا بيزنس اونر، انت لسة موصلتش للمرحلة دي :D

علشان توصل لمرحلة الـ Small Business بتمر بمراحل كتير جدا وعلشان تقول انا بقيت Small Business لازم يكون متوفر عندك المعايير دي..

- لازم يكون عدد الموظفين في الشركة بيتراوح بين ٥ - ٥٠٠ موظف.

- الـ Small Business بيتمتع بالاستقرار الوظيفي والمالي، بيكون من ٢ الى ٢٠ موظف مستقرين تماماً وموجودين بالشركة لفترة طويلة، وكمان بيكون في دخل وارباح ثابته وبتزيد، مع وجود الـ Cash Flow اللازم.

- قانونياً علشان توصل لمرحلة الـ Small Business لازم يكون للشركة حد أدنى من الدخل سنوياً، والحد الأدنى ده متغير بين كل دولة والتانية لكنه بشكل عام المتوسط بيتراوح بين مليون و ٥٠٠ مليون دولار.

- الشركة بيكون ليها هيكلية واضحة وبيتم تنفيذ فيها الهرم الوظيفي وعمليات التفويض الكاملة، يعني مينفعش تكون صاحب البيزنس ولازم تعمل كل حاجة بايدك، او الشركة مش هتمشي من غيرك.

- الشركة لازم تكون بتتمتع بالاستمرارية، مش تاخدلها فترة وتقع.

طب اللي لسة متوفرش عنده كل المقومات دي بنسميه ايه!؟

بنسميه مشروع بيزنس او ستارت اب

مرحلة الاستارت اب دي ملهاش مدة معينة علشان تخرج منها في شركات بتفضل ستارت اب ٣، ٥، ٧، او حتى ١٠ سنين بس يكون عندها القابلية للاستمرارية، وفي شركات بتخرج منها من اول او تاني سنة ودول اللي بيقدموا Values كبيرة علشان يتحولوا لـ Small Business في الفترة القصيرة دي.

الشركة في مرحلة الاستارت اب بتكوت متقلبة باستمرار، مفيش فيها استقرار فعلي من حيث الدخل والارباح وعملية التطوير وادارة الازمات والموظفين.. وجزء كبير منها بيعتمد على المؤسس نفسه.

اما لما ربنا يكرمك بقى وتبقى Small Business متنساش تفضل شغال بروح الاستارت اب :D لأن دايما روح الاستارت اب هي اللي بتفضل عندها قابليه دائمة للتطوير.

قولنا بقى هل انت ستارت اب ولا وصلت لمرحلة Small Business؟